PAMAGPAKASAKIT DING KAPAMPANGAN NENG KALELDWAN (Lenten Flagellation of the Kapampangans)

Kareting panatang mesabi, miyaliwa ing akit tamung pamagpakasakit ing akit karela: mamusan kurus o maglakad kilu-kilumetru maka-imalan Nazareno; mamusan kurus papalasan at ibabatbat karing sari sakit paldak at palupalu; gagapang kereng dalan malipugpug atnang kabatu; magsalibatbat alang patugut papaspasan gulut king dadayang sasayu; manambayuk dutung misna king kabayat nung nukarin bitis at gamat makatanikala la kaniti; mamusan kurus makayagpa king gulut da; magpatali o magpayatyat king makatalakad kurus o kaya, magpapaku pa at aliwa pa….

Bakit kaya menasang Kapampangan la mu detang gaganap ketang anti kaniti? Ala kang akit king anti kaniting panugali liban mu kareng Kapampangan. Nukarin man labwad Pilipinas, ding Kapampangan ila mu ing malugud gaganap kaniting makapagmulalang panugali. Ilokano la man o Pangasinense o Tagalog, ala lang apanugalian anti kaniti. Bicolano la man o Binisaya o Muslim la man, ala lang tradisyun kalupa niti.

Kapampangan la man Pampanga o Kapampangan la man Tarlac, o Kapampangan la man Bataan, Bulacan o Nujeva Ecija, bakit kaya, nung maleldo, ila mung magpakasakit karening panata anti kaniti.
Marayil iti yang pakibat kaniti. Uling ding Kapampangan ila ing menimunang mig-imagsik kareng Kastila king Kababan ketang October 1660, ing pamamalaspas king katawan (flagellation) ya ing timbas ding paring Agustinos antimong kapagsisyan keretang kasalangsangan gewa da laban kareng Kastilang mamuntukan. Migit malugud at mapamintu kareng pakisabi ding Agustinos, kaysa kareng utus ding mamuntukan alcalde’t gobernadorcillo, iting pamagpinitencia ya pin ing pemintuan da. Iti yang pemaligwan dang pamagsisi ketang pamaglaban o kasalanan da karing Kastila menalipusta karela.

Tanda ning kababan lub at ganaka ding Kapampangan karing pari da, at kanita, e na la mulit pasibayu, ing salitang “panata” mitimu ya karing sablang Kapampangan tanda ning pakamal da karing Agustinong mipoli king panga-Kristyano da. Tanda mu naman nung bakit malugud lang pari ding Kapampangan kaysa kareng mamuntukan karela!

Banal Maleldo ngan pu kekayu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s